kipisi nanpa tu la tawa nanpa wan pi (jan [ken ijo sama o tan e])

23/4/2025

jan [ken ijo sama o tan e] li wile ala awen awen
suno li open la ona li jo e ilo ale li tawa lon poka pi (soweli [lipu o sin ilo nasa ante nasa tawa e])
ona li toki e wile ona tawa jan ala
ona li taso la pilin ike li kama li pini e tawa
jan lawa li jan utala ala e ona la ona li ken ala utala
taso pakala lawa li anpa e pilin ni
nanpa wan la ona o kama jan utala tan jan lawa lili
sin la ona li tawa

jan [ken ijo sama o tan e] li toki e ni3 tawa ona sama
te jan li kute e toki mi la jan sona li toki e ni tan tawa mi nanpa wan
zz te suno [a pu olin lawa olin] li open pana tawa ma suli e linja walo ona la
zzzz waso lili kule li open toki kepeken kalama suwi tan sewi1 loje la
zzzz sewi1 li pini lape lon telo suli li lukin e jan moli la
zzzz jan wawa [ken ijo sama o tan e] pi (ma [moli alasa ni sona alasa]) li weka tan tomo
zzzzzz li kepeken soweli [lipu o sin ilo nasa ante nasa tawa e]
zzzzzz li open tawa lon ma kasi [ma o nasin telo e] to to
lon la ona li tawa lon ma kasi ni
ona li toki kin e ni3
te tenpo pi (toki mi) li tenpo pona a
zz jan pi (tenpo kama) li sitelen e sona mi lon kiwen mani
zz jan sona pona o
zz sina toki e sona mi la o weka ala e soweli pona mi [lipu o sin ilo nasa ante nasa tawa e] to
pilin olin la ona li toki wawa e ni3
te meli suwi [jan ale suwi uta wile ijo] o
zz tan sina la open tawa li pali ike
zz pilin sina li pakala tan mi to

sama la ona li toki nasa mute sama lipu
ni la ona li tawa lili lon tenpo suli
suno li seli la lawa li ken moli
pona la lawa ona li moli lon tenpo pini ante

suli ala li kama lon suno nanpa wan
ona li wile utala la ni li ike a
jan mute la utala nanpa wan li lon ma telo [lawa a pona ijo seli e]
jan ante la utala nanpa wan li lon tomo pan
taso mi la ona li tawa lon suno tawa pimeja li wile lape li wile moku
ona li lukin e poka ale li wile lon tomo suli tan lape
ni la ona li lukin e suno lili li tawa ona

tomo lili la meli tu li lon
ona li lili li pali
taso jan [ken ijo sama o tan e] la ona li suli li lon tomo lawa suli
mije ante lon tomo li lawa e soweli mani
jan [ken ijo sama o tan e] li kama la meli li pilin monsuta li tawa insa tomo
taso jan [ken ijo sama o tan e] li toki suwi e ni3

te o monsuta ala
zz mi jan utala tawa lawa la mi pakala ala e meli suwi sama sina to

meli li kute e te meli suwi to la ona li mu tan musi
ni la jan [ken ijo sama o tan e] li toki sin

te tan pona lukin la mu musi li kama tan lili to

meli li sona ala e nasin toki ni pi (tenpo pini) li mute e mu
tenpo ni la mije li kama
ona li lukin e sijelo linja e ilo utala li wan lon mu
taso ona li pilin monsuta kin tan ilo li toki

te sina wile lape la o lon tomo mi to

jan [ken ijo sama o tan e] li lukin e pona mije li toki

te jan [kala utala taso o pi ala nasa jan ala] o
zz ale li pona tawa mi
zz lape li utala mi to

te supa lape sina li kiwen
zz ni la sina ken ala lape lon tomo ni lon tenpo pimeja lon tenpo ale to

mije li pana e pona tawa jan [ken ijo sama o tan e]
ona li moku ala la pali ale li wile e wawa suli

jan [ken ijo sama o tan e] la mije o pona tawa soweli [lipu o sin ilo nasa ante nasa tawa e] kin
ona li soweli nanpa wan tawa ona
taso mije li lukin e soweli jaki taso
tomo la meli li weka e len kiwen tan jan utala
taso ona li ken ala weka e ale la ona li lape kepeken ni lon sijelo
ona li musi lukin
meli li pona lukin tawa ona la ona li toki e ni3

zz te jan ala li kama
zzzz e meli suwi sama
zzzz jan [ken ijo sama o tan e]
zzzz lon tomo wawa to

te anu soweli [lipu o sin ilo nasa ante nasa tawa e]
zz ona li soweli mi
zz mi jan [ken ijo sama o tan e] pi (ma [moli alasa ni sona alasa])
zz o lawa e mi to

toki li nasa kute tawa meli la ona li toki ala
ona li pana e moku

kala taso li lon
jan [ken ijo sama o tan e] li awen lon supa
ona li moku lon nasin musi a
len kiwen li len e sinpin ona la jan ante o pana e moku
ona li ken moku e telo kepeken palisa taso
jan ante li kama lon tomo li weka e ken unpa pi (soweli mani)
ona li pali la kalama li tan ilo ona
jan [ken ijo sama tan e] la ni li kalama musi suwi li kalama tan ona
pini la ona li tawa
taso ona li awen jan utala ala tawa lawa la utala suli ala li ken

↩