kipisi nanpa wan la sona en pali pi (jan [ken ijo sama o tan e])

23/4/2025

lon ma lili lon ma [moli alasa ni sona alasa] la jan mani li lon
nimi ma la mi wile ala sona
ona li moku e moku pi (mani ala)
tomo la jan pali en jan pi (kulupu mama sama) li lon
sijelo ona li wawa ala li linja
ken la ona li nimi [ken ijo sama ale len ale] anu nimi [ken e sama ale len ale]

jan mani ni li lape la ona li musi tan lipu pi (jan utala)
ona li musi mute la ona li pali lili
ona li esun e ma ona li kama jo e lipu mute mute a
lipu nanpa wan tawa jan mani li tan jan [pana esun li ijo kama anu nasa o]
lipu ni li toki e
zz te tan pi (tan ala) li tan e pali mi la tan mi li lili li ike e mi tan sina to
zz e
zz te sewi la mun sewi1 sewi li awen e sina sewi li ken e ken sina pi (ken suli) to

tan ni la jan mani li kama nasa li lape ala tan lipu
tenpo mute la lipu li pini la ona li wile suli e lipu li sitelen e lipu sin
ona li toki utala mute e ni3 zz seme li jan utala nanpa wan

lawa ona li sona e lipu taso
ona li toki e utala taso lon insa
musi li kama lon tawa ona

pini la lawa ona li kama pakala
ona li wile jan utala sama lipu li wile tawa ma ante kepeken soweli ona li wile suli
nanpa wan la ona li telo e len kiwen pi (mama mama ona) li jo e palisa utala

nanpa tu la ona li kama e soweli
soweli li jaki
taso jan mani la ona li wawa sama soweli lon lipu
suno mute la ona li alasa sona e nimi soweli pona
pini la ona li nimi [lipu o sin ilo nasa ante nasa tawa e] e soweli

nimi soweli li wawa la jan mani li wile ante e nimi ona kin
suno mute mute la ona li alasa sona e nimi pona
pini la ona li kama jan [ken ijo sama o tan e]
taso jan utala ale li kepeken nimi ma li kepeken nimi mama lon nimi ona
ni la jan mani li kama jan [ken ijo sama o tan e] pi (ma [moli alasa ni sona alasa])

len li telo la soweli li kepeken la nimi li wawa la ijo wan taso li weka
jan utala ale o olin e meli
jan [ken ijo sama o tan e] li toki e ni3

te tan ike anu tan pona la mi utala e jan suli li anpa e ona la jan suli o tawa meli suwi o toki e
zz te mi jan suli [monsi o ni sina ijo jaki a ken ijo]
zzzz mi anpa tan jan wawa [ken ijo sama o tan e] pi (ma [moli alasa ni sona alasa])
zzzz suwi sina li pona e mi la ona li pana e mi tawa sina to to

jan mani li pini toki li kama sona e nimi meli la ona li pilin wawa
ona li sona e meli lon ma poka
meli li sona ala e jan [ken ijo sama o tan e]
taso jan mani li olin e ona li wile utala tan ona
nimi ona li jan [ale lon olin nasin sona ale]
taso jan mani li wile pana e nimi sin li pana e nimi [jan ale suwi uta wile ijo] lon pilin ona
jan mani la nimi ni li suwi sama nimi ale pi (pali ona)

↩