sewi lili

18/4/2025

o sona e akesi e waso

akesi li lili li kiwen
akesi li lon selo ma
ijo ala li ken lon anpa sama akesi
ona li lukin e ijo pi (mute lili)
ona li alasa e kili taso la tawa ona li wawa ala
ona li utala e ijo ala
ijo li moku e ona la ni li utala tan kiwen ona
ijo mute li ante lon tenpo mute la akesi li ante ala

waso li wawa
waso li tawa sewi1 li lukin e ale
ona li ken lukin e ijo lili a
ona li lawa e ale
wawa ona li ken moli e ijo lili e ijo suli

tenpo mute la waso li awen lon nena li lukin e ma
ona li lukin e ijo kiwen lon kasi lon ma anpa
waso li tawa
akesi la ma li weka lon anpa ona
akesi li lon sewi1 li lukin e ma ale
pilin akesi la waso li pona

waso li pini jo e akesi

ken suli la akesi li moli
jan ale li sona e tan ni
ijo li lon supa ala la wawa kon li tawa e ona tawa anpa
jan ala li sona e tan waso
ijo mute li moku pona
akesi li moku pona ala
lon la waso li ni tan wile pakala taso

taso waso li sona ala e ni3
tan ona la akesi li ken ante
tenpo kama la akesi li tawa sama waso

mi toki+pona e open toki pi (lipu te sewi lili to)

↩